U Viciebskaj vobłaści z-za daŭhoŭ likvidavali bolš za pałovu rajpo
Za 2020-2022 hady ŭ Viciebskaj vobłaści likvidavanyja 8 rajonnych spažyvieckich tavarystvaŭ, a ŭ jašče adnaho zakančvajecca praces likvidacyi, paviedamlaje telehram-kanał «LIVE Viciebsk, ja hulaju!»
U 2020 hodzie byli likvidavanyja Loźnienskaje i Połackaje rajspažyŭtavarystvy, u 2021-m — Aršanskaje, Brasłaŭskaje i Šumilinskaje, a ŭ 2022-m — Hłybockaje, Tałačynskaje i Mijorskaje. Haradockaje rajspažyŭtavarystva ciapier prachodzić praces likvidacyi.
U skład Viciebskaha abłasnoha spažyvieckaha tavarystva na siońnia ŭvachodzić usiaho 7 dziejučych filijałaŭ (rajpo). Takim čynam, za dva apošnija hady likvidavana bolš za pałovu rajspažyŭtavarystvaŭ vobłaści.