U Śvietłahorsku pad kołami aŭtamabila zahinuła pažyłaja žančyna. BMV nie spyniŭsia na pierachodzie
Darožna-transpartnaje zdareńnie sa śmiarotnym vynikam adbyłosia ŭviečary 13 listapada ŭ rajonie čyhunačnaha pierajezda na vulicy Sacyjalistyčnaja, paviedamlaje miascovaje vydańnie «Ranak».
Fota: Ranak
Jak raskazaŭ adzin ź vidavočcaŭ trahiedyi, kala 21:40 jon jechaŭ z boku čyhunačnaha pierajezda. Nasustrač jamu na vysokaj chutkaści ruchaŭsia bieły BMV. U hety čas pa piešachodnym pierachodzie išli mužčyna i žančyna.
— Chutkaść u «bechi» vidavočna nie 40 była, — paviedamiŭ kiroŭca. — Ja prapuskaŭ piešachodaŭ. A sustrečny aŭtamabil nie spyniŭsia. Mužčyna paśpieŭ adskočyć, a žančyna nie.