Brazilija vyjhrała Šviejcaryju i daterminova vyjšła ŭ płej-of
Futbolnaja zbornaja Brazilii vyjhrała ŭ Šviejcaryi ź likam 1:0 i daterminova zabiaśpiečyła sabie vychad z hrupy na čempijanacie śvietu.
Adziny hoł u hetym matčy zabiŭ Kaziemira niezadoŭha da jaho kanca, na 83-j chvilinie.
U pieršym tury brazilcy abyhrali sierbaŭ ź likam 2:0.
Brazilija vyjšła ŭ płej-of čempijanatu śvietu 9-ty raz zapar. Apošni raz joj nie ŭdałosia heta zrabić u dalokim 1982 hodzie, ale tam była svojeasablivaja sistema rozyhryšu, kali było dva hrupavyja etapy, a pieramožcy druhoha vychodzili adrazu ŭ paŭfinał.
Raniej miesca ŭ płej-of zabiaśpiečyła sabie Francyja. Jana zrabiła heta pazaŭčora, pierajhraŭšy ź likam 2:1 Daniju.