U Breście siońnia znoŭ stralajuć
Staršynia Bresckaha harvykankama Alaksandr Rahačuk paviedamiŭ, što 30 listapada ŭ horadzie možna budzie pieryjadyčna čuć «strałkovuju kananadu».
Fota ilustracyjnaje
«Pavodle infarmacyi kiraŭnictva Bresckaha abłasnoha vajenkamata, na palihonie «Brescki» pravodziacca instruktarska-mietadyčnyja zaniatki z kamandzirami ŭzvodaŭ 38-aj asobnaj hvardziejskaj desantna-šturmavoj bryhady», — havorycca ŭ paviedamleńni Rahačuka.
Kiraŭnik Bresta taksama adznačyŭ, što mierapryjemstvy prachodziać u ramkach padrychtoŭki da novaha navučalnaha hoda, jaki pačynajecca va Uzbrojenych siłach Biełarusi z 1 śniežnia. «Padstaŭ dla jakich-niebudź turbot u žycharoŭ horada niama», — padkreśliŭ staršynia harvykankama.
Raniej pra mahčymuju «strałkovuju kananadu» Rahačuk papiaredžvaŭ 24 kastryčnika, što, pa jaho słovach, taksama było źviazana z padrychtoŭkaj da novaha navučalnaha hoda va Uzbrojenych siłach Biełarusi.