Za miesiac vuličnyja zimovyja traŭmy atrymali bolš za 1500 dziaciej
Bolš za 1500 dziaciej źviarnulisia ŭ Biełarusi pa dapamohu da miedykaŭ mienš čym za miesiac. Pryčyna — traŭmy ad choładu i hałalodu, paviedamili ŭ efiry telekanała «Biełaruś 1». Najbolšaja niebiaśpieka ciapier ad nieabstalavanych horak.
«Z kanca listapada pa ciapierašni čas va ŭstanovy achovy zdaroŭja z roznymi chaładovymi i hałalodnymi traŭmami ŭžo źviarnulisia bolš za 1,5 tysiačy dziaciej.
Naprykład, katańnie na ciubinhach i sankach dla 5-hadovaha chłopčyka va Uździenskim rajonie skončyłasia zakrytaj čerapna-mazhavoj traŭmaj i strasieńniem hałaŭnoha mozhu.
U vyniku sutyknieńnia z drevam pry spusku z horki na ciubinhu trapiŭ u reanimacyju šaścikłaśnik z Baranavič», — paviedamiła Viktoryja Finievič, načalnik adździeła Hienieralnaj prakuratury.