Maryja Kaleśnikava dahetul znachodzicca ŭ sančastcy homielskaj kałonii
Pa infarmacyi ad źniavolenych, Maryju jašče nie pieraviali ŭ atrad. «Na hety čas Kaleśnikava lažyć u lakarni, stan jaje nie vielmi dobry, zusim chudaja», — pieradaje «Viasna».
Maryja Kaleśnikava padčas sustrečy z baćkam
Nahadajem, kryzis sa zdaroŭjem u palitźniavolenaj pačaŭsia 28 listapada, kali «da prablem ź ciskam, młosnaściu i prytomnaściu dadaŭsia pakutlivy bol u straŭniku». Paśla hetaha Kaleśnikavaj zrabili łaparaskapičnuju apieracyju.
Pierad špitalizacyjaj jaje źmiaścili ŭ ŠIZA na 10 sutak. Tam było vielmi choładna, tamu palitźniavolenaja amal nie spała. Niekalki razoŭ jana hublała prytomnaść, u jaje byŭ pavyšany cisk i młosnaść. U tym liku jana straciła prytomnaść u dušy i pry padzieńni padrapała nohi.