Palitviaźniaŭ adpraŭlajuć u ŠIZA za infarmacyju pra pośpiechi ŭkrainskaha vojska
Pra heta raspavioŭ były palitviazień Vital Žuk, jaki niadaŭna vyzvaliŭsia z babrujskaj kałonii № 2. Pavodle jaho, u ŠIZA źniavolenych nie adpraŭlali za kolkaść listoŭ, ale mahli adpravić za ich źmiest — navat kali ich prapuściŭ cenzar.
Fota: «Viasna»
«Asabliva tak było ź infarmacyjaj pra vajnu. Kali ŭ liście napisali, a ty potym chodziš pa atradzie i kažaš, jakija ŭkraincy małajcy i vyjhrajuć na vajnie, abo zmahli dać hodny adpor ruskim, to za takija naviny ciabie adrazu prybiaruć z žyłoj zony», — raskazaŭ jon u intervju «Viaśnie».
Taksama biełaruskim viaźniam u kałonijach pa zahadzie źvierchu pakazvajuć prahramy rasijskich prapahandystaŭ i filmy pra fašystaŭ.