U Mahilovie haspadar troch sabak kidaŭ ich ab dźviery — žorstkija kadry
Žorstkaje videa dasłaŭ čytač u redakcyju «MahiloŭAnłajn».
Jak paviedamlaje aŭtar, rolik źniaty ŭ Mahilovie pa praśpiekcie Dzimitrava, dom 57, treci padjezd.
Na videa vidać, jak mužčyna, haspadar troch nievialikich sabak, ździekujecca ź ich: špurlaje na ziamlu, z razmachu bje ab mietaličnyja dźviery padjezda. Ale sabakam dziavacca niama kudy, i jany zabiahajuć u padjezd, kab viarnucca dadomu.
Aściarožna: žorstkija kadry.
Aŭtar videa adznačaje, što jon nie viedaje, adzinkavy heta vypadak ci mužčyna ŭvieś čas tak ździekujecca z sabak. I spadziavajecca, što mužčynu pryciahnuć da adkaznaści.
Paźniej stała viadoma, što Kastryčnicki RAUS Mahilova inicyjavaŭ pravierku pa hetym fakcie. Vyśvietliłasia, što na kadrach — 34-hadovy žychar Mahilova, jaki vyrašyŭ vyvieści svaich sabak na vulicu biez pavadkoŭ, pry hetym mužčyna byŭ niećviarozy.