U Homieli 6-hadovuju dziaŭčynku znajšli miortvaj u pralnaj mašynie
Jak stała viadoma vydańniu «Mocnyja naviny», trahiedyja adbyłasia 4 sakavika ŭ 104-ym mikrarajonie Homiela. Cieła dziaŭčynki ŭ pralnaj mašynie znajšoŭ jaje baćka. Sama pralnaja mašyna pry hetym stajała ŭ kalidory i nie była padklučanaja.
Fota ilustracyjnaje
Pa adnoj ź viersij, dzicia mahło prosta hulać, zaleźci ŭ pralnuju mašynu, niejkim čynam jaje začynić i tam zadychnucca.
Prykmiet hvałtoŭnaj śmierci pry ekśpiertyzie cieła vyjaŭlena nie było.
Aficyjnaj infarmacyi pa fakcie trahiedyi pakul niama.