Ratavańnie nacyi, ci Emihracyja
Što siońnia treba rabić, kab stvaryć ščaślivuju, bahatuju i volnuju Biełaruś? Padpolna pracavać ź dziećmi, padpolna vydavać časopisy ź infarmacyjaj, jakuju pračytajuć ad siły słuchačy radyjo «Svaboda»? Spračacca z małaznajomymi ludźmi, dakazvajučy, što možna žyć lepiej, kali jany štodnia zambujucca (a značyć, žadajuć zambavacca) BT pra svajo ŭłasnaje ščaście?
Što siońnia treba rabić, kab stvaryć ščaślivuju, bahatuju i volnuju Biełaruś? Padpolna pracavać ź dziećmi, padpolna vydavać časopisy ź infarmacyjaj, jakuju pračytajuć ad siły słuchačy radyjo «Svaboda»? Spračacca z małaznajomymi ludźmi, dakazvajučy, što možna žyć lepiej, kali jany štodnia zambujucca (a značyć, žadajuć zambavacca) BT pra svajo ŭłasnaje ščaście?
Z usich zaniatkaŭ u Biełarusi adzinym perspektyŭnym bačycca naradžeńnie dziaciej. Što jašče rabić u krainie, dzie nikomu (za vyniatkam maleńkaj častki elity) ničoha nie patrebna, dzie apatyja stała prosta nacyjanalnaj rysaj, — ja nia viedaju.
Možna emihravać, kab praź niejki čas pačać svoj maleńki biznes, paśla ź jaho zrabić vialiki. Ci atrymać dobruju adukacyju i zajmacca biełaruskimi prablemami navukova. Možna stvaryć biełaruski asiarodak i zajmacca hramadzianskaj adukacyjaj biełaruskaj moładzi, rychtavać biełaruskuju elitu na emihracyi. Karaciej, stvarać intelektualnuju i finansavuju elitu da tych časoŭ, kali jana spatrebicca biełaruskamu narodu.
Apatyja prachodzić — raniej ci paźniej. Biełaruskija elity siońnia nia mohuć vyciahnuć z hetaha stanu hramadztva, jakoje hetaha nie žadaje. Tamu čas na vyciahvańnie taho, što vyciahnuć niemahčyma, lepš vykarystać dla padrychtoŭki taho momantu, kali hramadztva ŭsio ž vyrašyć, što jano choča źmienaŭ. Tady buduć patrebny hrošy j suviazi, kab padtrymać źmieny. Tady sapraŭdy budzie nieabchodna adukavanaja elita dla kiraŭnictva dziaržaŭnymi strukturami na roznym uzroŭni, dla adukacyi na sapraŭdy suśvietnym uzroŭni i dla ahromnistaj kolkaści inšych spraŭ, kab zrabić Biełaruś sapraŭdy ščaślivaj, bahataj i volnaj.