U Połacku sutyknulisia aŭtamabil i ciahnik
Na čyhunačnym pierajeździe ŭ Połacku adbyłosia sutyknieńnie dyzielnaha ciahnika i lehkavoha aŭtamabila. Jak paviedamlaje UDAI UUS Viciebskaha abłvykankama, avaryja adbyłasia ranicaj 3 krasavika.
«19-hadovy kiroŭca, kirujučy aŭtamabilem BMW, nie źviarnuŭ uvahu na nabližeńnie ciahnika, vyjechaŭ na zabaranialny sihnał śviatłafora, u vyniku čaho adbyłosia sutyknieńnie dyzielnaha ciahnika, u zadniuju častku aŭtamabila», — havorycca ŭ paviedamleńni.
U vyniku DTZ nichto nie paciarpieŭ, aŭtamabil atrymaŭ paškodžańni. A dyzielny ciahnik rušyŭ dalej pa maršrucie.
Čytajcie taksama:
Pad Brestam traktar sutyknuŭsia z pasažyrskim ciahnikom
U Hrecyi pasažyrski ciahnik sutyknuŭsia z hruzavym. Zahinuła sama mieniej 32 čałavieki