Zaviaršyli ramont pantonnaha mosta pamiž Čyžoŭkaj i Sierabrankaj u Minsku
Skončyli ramontnyja raboty na pantonnym moście pamiž Čyžoŭkaj i Sierabrankaj u Minsku — jon staŭ bolš tryvały i biaśpiečny. Pra heta paviedamlajuć «Minsk-Naviny» sa spasyłkaj na Siarhieja Maślaka, kiraŭnika administracyi Zavodskaha rajona.
U minułym hodzie ŭ rajonie była dobraŭparadkavana zona adpačynku «Śpiakota»: tut źjavilisia «ściežka biaśpieki» i ekałahičny adukacyjny kompleks «Čomha-vostraŭ». Kab złučyć ekaściežku ŭ Sierabrancy z anałahičnaj u Čyžoŭcy i dać mahčymaść amataram pryrody vyvučyć fłoru i faŭnu Čyžoŭskaha vadaschovišča, haradskija ŭłady vyrašyli pastavić tut pantonny most. U hetym miescy z-za mocnaj płyni raki mahčymy byŭ tolki taki varyjant.
Most źviazaŭ nabiarežnuju vadaschovišča z vostravam, raźmieščanym na ŭčastku pamiž Sierabrankaj i Čyžoŭkaj. Ale haradžanie paskardzilisia, što jon nie nadta ŭstojlivy, da taho ž da jaho niama biaśpiečnaha padychodu. Hetyja momanty ŭličyli i pačali ramont abjekta.
«Byli ŭmacavany parenčy, vykanany zvaračnyja raboty, vykładzieny prystupki ź plit — ciapier spusk da mosta ŭžo nie taki stromki, jak raniej, a bolš spadzisty», — paviedamiŭ Siarhiej Maślak.
Čytajcie taksama:
Novaja skulptura lva ŭ Mahilovie napužała niekatorych haradžan — i voś čamu