102 čałavieki zachvareli na śviny hryp u Biełarusi
Pra heta paviedamiła 8 listapada ŭ efiry Pieršaha kanała namieśnik ministra achovy zdaroŭja — hałoŭny dziaržaŭny sanitarny lekar Valancina Kačan.
Fota Julii Daraškievič.
U Biełarusi zarehistravana 102 vypadki zachvorvańnia na hryp A (H1N1), paviedamiła 8 listapada ŭ efiry Pieršaha kanała namieśnik ministra achovy zdaroŭja — hałoŭny dziaržaŭny sanitarny lekar Valancina Kačan.
Pavodle jaje słoŭ, u apošnija dni kolkaść zvarotaŭ hramadzian u suviazi z zachvorvańniem na hryp i VRVI skaraciłasia na 4—25% u zaležnaści ad nasielenych punktaŭ. «Razam z tym u asobnych rehijonach situacyja zastajecca pakul napružanaj», — adznačyła Kačan.
«Na fonie usich virusaŭ, jakija my siońnia łabaratorna paćviardžajem u tych, chto zachvareŭ, u 102 vypadkach, heta try sotych pracenta, nazirajecca vyłučeńnie virusa hrypa A (H1N1)», — paviedamiła namieśnik ministra.
Jana padkreśliła,
što ŭ Minsku nazirajecca «asablivaja situacyja»,
ale «jana kantralujemaja, i siońnia navat u hetym horadzie my nazirajem źnižeńnie zvarotaŭ hramadzian z nahody hetych zachvorvańniaŭ, prymajucca ŭsie zachady».
Pavodle infarmacyi Kačan, nazirajecca źnižeńnie zachvorvańnia na vostryja reśpiratornyja infiekcyi siarod dziaciej. «Efiekt razłučeńnia, u pryvatnaści, praciah kanikuł, prypynieńnie pracy škoł daŭ siońnia, uvohule, dobry efiekt, i ŭ suviazi z hetym my prahnazujem, što hetaja situacyja budzie stabilizavacca. Źnižeńnie adbyłosia praktyčna z 56% da 39% ad ahulnaj kolkaści chvorych siarod dziaciej i darosłych», — zajaviła hałoŭny dziaržaŭny sanitarny lekar.
Kačan paviedamiła, što zaraz prypyniena praca amal 1.400 navučalnych ustanoŭ, u ich abvieščany karancin.
Hetyja zachady prymajucca na miescach «terytaryjalnymi orhanami vykanaŭčaj ułady pa pradstaŭleńni sanepidsłužby i pa ŭzhadnieńni ź Ministerstvam achovy zdaroŭja».
Ministerstva, pavodle słoŭ Kačan, rekamiendavała nadać asablivuju ŭvahu «praduchileńniu zachvorvańniaŭ siarod ciažarnych i dziaciej».
«U suviazi z hetym ciapier ich acenka stanu i płanavyja kansultacyi pravodziacca doma», — adznačyła Kačan.
Na 4 listapada było łabaratorna paćvierdžana 85 vypadkaŭ śvinoha hrypu, na 1 listapada — 59, na 30 kastryčnika — 39. U siami pamierłych ad pnieŭmanii vyłučany virus A (H1N1).