Radyjo Maryja moža zbankrutavać
Skandalna viadomaja polskaja ultrakansiervatyŭnaja radyjostancyja «Radyjo Maryja» znachodzicca na miažy bankructva.
Rankam u paniadziełak adzin z kiraŭnikoŭ radyjostancyi, ksiondz Tadevuš Rydzyk, źviarnuŭsia da słuchačoŭ z prośbaj ab dapamozie. «Vielmi prosim vas ab dapamozie. U Ajčynie štoraz bolš ludziej biednych, biespracoŭnych. My vielmi mocna heta adčuvajem. U nas jašče nikoli nie było takoj drennaj situacyi. Kab radyjostancyja ŭtrymałasia, patrebnyja vialikija srodki. Prosim ab malitvie i materyjalnaj dapamozie, najlepš štomiesiačnaj. Paŭtarusia, što u nas jašče nie było takoj składanaj situacyi», — havorycca ŭ zajavie ks.Rydzyka.
Adnak polskija ŚMI raspaŭsiudžvajuć infarmacyju, što finansavyja prablemy źjavilisia nie ŭ radyjostancyi,
a ŭ fonda Tadevuša Rydzyka «Lux Veritatis». Pavodle infarmacyi haziety «Rzeczpospolita», fond T.Rydzyka vinien dziaržavie 4,3 młn złotych
(bolš za paŭtara miljona dalaraŭ). Takaja zapazyčanaść źjaviłasia ŭ vyniku manipulacyj z apłataj padatkaŭ.