U roźničnym handli zafiksavali niedachop jałavičyny
Asartymient miasnoj hastranomii i miasa ŭ biełaruskich sietkach — heta na 98—99% ajčynnaja pradukcyja, astatniaje idzie z Rasii, pra heta paviedamiła vykanaŭčaja dyrektarka Asacyjacyi roźničnych sietak Natalla Šablinskaja na forumie «Biełaruś miasnaja» ŭ Minsku, pieradaje Sputnik.
Sa słoŭ Šablinskaj, na palicach biełaruskich kram jość dastojnaja tavarnaja prapanova. Adnak majecca, naprykład, prablema ź jałavičynaj — zajaŭki sietak pa hetym vidzie miasa zadavalniajucca nie zaŭsiody, vykanańnie ž pa ptušcy składaje prykładna 90%.
Vykanaŭčaja dyrektarka taksama rastłumačyła, što i handal, i vytvorcy pieražyli najciažejšy 2022 hod. Sankcyi Šablinskaja nazvała «spravaj niaprostaj». Da taho ž źjavilisia i žorstkija cenavyja praviły, jakija treba vykonvać. U sietak rentabielnaść u miasnym siektary ciapier adnosna nievysokaja, mahčymaść pravodzić akcyi pamienšyłasia.
«My hublajem u abjomach prodažaŭ», — adznačyła jana.
Šablinskaja ličyć, što dla vyrašeńnia prablemy treba damaŭlacca vytvorcam i sietkam.
Jana taksama paviedamiła, što ŭsio papularniejšymi siarod pakupnikoŭ stanoviacca ŭpakoŭki z «narezkami» hatovaha miasa ci kaŭbasy. Ajčynnyja vytvorcy asvoili hety vid padačy praduktu, ale ŭ mnohich vypadkach jašče treba budzie papracavać z pakavańniem i dyzajnam. Šablinskaja adznačyła, što ŭ hety momant nie zaŭsiody jość srodki, kab «prymać rašeńni pa pryhažości» upakoŭki. Hetuju zadaču nielha adkładvać — jaje ŭsio roŭna daviadziecca vyrašać u budučyni.
Roźnica — amal u dva razy. Jak u Minsku pracujuć kramy z tavarami IKEA i jakija tam ceny
«Jeŭraopt» pradaje tavary z IKEA. «Adkul jany — naša ŭnutranaja infarmacyja»