Ofis «Trajpła» na Rakaŭskaj u Minsku pradali rasijaninu
Ofis kampanii «Trajpł» biznesoŭca Juryja Čyža na staličnaj vulicy Rakaŭskaj 12 maja pradali na aŭkcyjonie, paviedamlajecca na sajcie «Biełrealizacyi». Ciapier hety budynak naležyć kampanii rasijanina Alaksieja Krumiłava.
Fota: beltorgi.by
Ofisnaje pamiaškańnie ŭ histaryčnym domie ŭ centry Minska pradali za 4,39 młn rubloŭ. Pačynalisia tarhi z 3,637 młn rubloŭ. Pakupnikom stała kampanija «PrafLehałServis», zarehistravanaja 16 sakavika hetaha hoda. Jana naležyć hramadzianinu Rasii Alaksieju Krumiłavu.
Sioleta pamiaškańnie sprabavali pradać dvojčy — 5 studzienia i 15 lutaha, ale biezvynikova. Na lutaŭskim aŭkcyjonie pačatkovy košt byŭ 4,676 młn rubloŭ.
Abjekt znachodzicca pa adrasie vuł. Rakaŭskaja, 19a. U skład łota ŭvachodzili ofisnaje pamiaškańnie płoščaj 1347 kv. m, dva nievialikija składy i padziemny haraž-stajanka płoščaj 392 «kvadraty». Usia hetaja majomaść była ŭ zakładzie ŭ Banka VTB.
Čytajcie taksama:
Čyž: Pakul ja siadzieŭ, siamja skarystałasia situacyjaj i zavałodała biznesam
Fitnes-centr «Trajpła» ŭ Minsku kupiŭ uładalnik farmaceŭtyčnaha biznesu
Juryju Čyžu dali try z pałovaj hady pazbaŭleńnia voli. Ale nie pasadzili