Va Ukrainu pastavili zienitna-rakietny kompleks siaredniaj dalokaści SAMP/T — Le Monde
ZRK siaredniaj dalokaści SAMP/T franka-italjanskaj vytvorčaści dastaŭleny va Ukrainu, jon užo «abaraniaje klučavyja abjekty i žyćci».
Sistema SAMP/T na Mižnarodnym paryžskim avijasałonie ŭ Le Burže, 19 červienia 2023 h. Fota: Ludovic Marin / AR
Pra heta zajaviŭ prezident Francyi Emaniuel Makron padčas vystupleńnia ŭ Paryžy, pryśviečanaha pavietranaj i supraćpavietranaj abaronie Jeŭropy. Heta adbyłosia praz čatyry miesiacy paśla taho, jak u pačatku lutaha Paryž abjaviŭ ab pastaŭcy hetaha anałaha sistemy Patriot.
Jak adznačaje Le Monde, SAMP/T Mamba — pieršaja jeŭrapiejskaja supraćrakietnaja sistema siaredniaj dalokaści. Miarkujecca, što jana dapamoža Ukrainie supraćstajać rasijskim bieśpiłotnikam, rakietam i samalotam. Kijeŭ užo niekalki miesiacaŭ zaklikaje da ŭzmacnieńnia svajoj supraćpavietranaj abarony, u pryvatnaści, paśla chval rasijskich udaraŭ pa krytyčna važnaj infrastruktury z vykarystańniem iranskich bieśpiłotnikaŭ vosieńniu 2022 hoda.
Sistema SAMP/T užo była razhornutaja ŭ Rumynii dla abarony stratehičnaha rajona porta Kanstanca, raźmieščanaha na Čornym mory.
Čytajcie jašče:
Ukraina na miažy ź Biełaruśsiu raźmiaściła zienitna-rakietnyja kompleksy Avenger. Što za jany?
Premjer-ministr Izraila ŭpieršyniu dapuściŭ mahčymaść pastavak va Ukrainu sistemy «Žalezny kupał»