Mužčyna sprabavaŭ zabić 13-hadovaha pasynka, kab adpomścić žoncy za zdradu
Pavodle śledstva, 12 śniežnia minułaha hoda 38-hadovy mužčyna paprasiŭ 13-hadovaha pasynka dapamahčy jamu prynieści siurpryz dla mamy. Nakiravaŭšy chłopčyka ŭ bok lesapałasy, jon nakinuŭsia na jaho zzadu z nažom. Mužčyna zacisnuŭ rot padletku rukoj i čatyry razy, pavodle śledstva, udaryŭ jaho nažom u šyju.
Fota: SK
Mužčyna pakinuŭ chłopčyka spłyvać kryvioj, a sam viarnuŭsia dadomu.
Na ščaście, školnik nie straciŭ prytomnaści, a zmoh vyjści da ludziej. Jamu dapamoh adzin ź minakoŭ. Ciapier žyćciu i zdaroŭju padletka ničoha nie pahražaje.
Mama paciarpiełaha padletka ŭ šlubie z abvinavačvanym užo bolš za dzieviać hadoŭ, i ŭ sužencaŭ jość ahulnaja vaśmihadovaja dačka.
Jak raspaviała žančyna, adnosiny ŭ muža i jaje 13-hadovaha syna byli narmalnymi, jaŭnych kanfliktaŭ pamiž imi nie było. Padletak daviaraŭ ajčymu, bo z čatyroch hadoŭ mužčyna jaho vychoŭvaŭ.
Abvinavačvany vinu pryznaŭ i raspavioŭ, što takim čynam jon vyrašyŭ adpomścić žoncy za zdradu.
Pa vynikach rasśledavańnia 38-hadovamu mužčynu vystaŭlena abvinavačańnie pa č. 1 art. 14, p. 2 č. 2 art. 139 (zamach na zabojstva zaviedama małaletniaha) Kryminalnaha kodeksa Respubliki Biełaruś.