U Varšavie adbudziecca Huchna Fest
Z aktualnaj biełaruskaj muzykaj, znakamitymi imionami SučBiełLita, sučasnym mastactvam i aktyvizmam.
Huchna Fest ładzicca ŭžo treci hod zapar, abjadnoŭvaje aktualnaje biełaruskaje mastactva ŭ roznych prajavach i daje mahčymaść biełaruskim aktyvistam i aktyvistkam pakazać siabie. Arhanizatary zaprašajuć biełarusaŭ i biełarusak, ukraincaŭ i ŭkrainak, palakaŭ i polek, a taksama inšych žycharoŭ i haściej Varšavy bolš daviedacca pra Biełaruś — sučasnuju, jeŭrapiejskuju i demakratyčnuju, piša Budzma.
Sioleta oŭpen-ejr staŭ jašče bolš maštabnym. Da muzyčnaj sceny, art-markieta i placoŭki sacyjalnych aktyŭnaściaŭ dabaviłasia mahutnaja litaraturnaja scena i knižny stend vydaviectva «Januškievič».
Hałoŭny chedłajnier muzyčnaj sceny — Super Besse, a litaraturnaj — Alhierd Bacharevič.
Fiestyval projdzie 9 lipienia na bierazie Visły kala varšaŭskaha Muzieja sučasnaha mastactva (Wybrzeże Kościuszkowskie 22).
Kali vy žadajecie paŭdzielničać u art-markiecie, zapoŭnicie ankietu pa spasyłcy.
Udzieł u art-markiecie całkam biaspłatny, ale arhanizatary festu prosiać udzielnikaŭ achviaravać nie mienš, čym 10% z prodažu na dapamohu partnioram z reabilitacyjnaha centra dla vajskoŭcaŭ «ŁANKA». Reabilitacyjny centr «Łanka» — hramadzianski humanitarny prajekt pa adnaŭleńni psichičnaha i fizičnaha zdaroŭja, readaptacyi dy sacyjalizacyi va Ukrainie. Bolš padrabiazna daviedacca pra dziejnaść centra možna na sajcie.