«Zachoŭvajcie spakoj!» Pasolstva Biełarusi ŭ Rasii paviedamiła telefony dla ekstrannaj suviazi
Pasolstva Biełarusi ŭ Rasii zaklikała biełaruskich hramadzian, jakija znachodziacca ŭ Rasii, u Rastoŭskaj vobłaści ŭ pryvatnaści, zachoŭvać spakoj i ŭ vypadku nieabchodnaści skarystacca telefonami dla ekstrannaj suviazi ź biełaruskimi dypłamatami.
«U suviazi ź situacyjaj, jakaja skłałasia ŭ Rastoŭskaj vobłaści, hramadzianie Biełarusi, jakija znachodziacca tam, u vypadku ekstrannaj situacyi mohuć źviarnucca da kiraŭnika adździaleńnia pasolstva Biełarusi ŭ Rastovie-na-Donie Dzianisa Iharaviča Cimochina pa telefonie +7 918 5580181», — skazali ŭ dypmisii BiełTA.
«Pasolstva taksama źviartajecca da hramadzian Biełarusi, jakija znachodziacca na terytoryi Rasijskaj Fiederacyi, z prośbaj zachoŭvać spakoj, nie padavacca na infarmacyjnyja ŭkidy i karystacca vyklučna aficyjnymi krynicami infarmacyi. Telefon dziažurnaha pasolstva Biełarusi ŭ Rasii + 7 495 7776644», — padkreślili ŭ dyppradstaŭnictvie.