Načnaja ataka na Lvoŭ. Jość zahinułyja i paranienyja
U vyniku varožaj rakietnaj ataki ŭ Lvovie paškodžany abjekt krytyčnaj infrastruktury, taksama z-za traplańnia rakiety ŭ šmatpaviarchovik jość čaćviora zahinułych i paranienyja.
Fota: telehram-kanał Ihara Klimienki
«Paškodžany abjekt krytyčnaj infrastruktury ŭ Lvovie, papiarednie jość paranienyja», — napisaŭ pradstaŭnik Lvoŭskaj vajennaj administracyi Maksim Kazicki. Jon skazaŭ, što rakieta trapiła ŭ žyły dom.
Zahinuła čatyry čałavieki, dzieviać paranienyja, jak paviedamiŭ mer horada Andrej Sadavy.
Sa słoŭ Sadavoha, u vyniku padzieńnia abłomkaŭ rasijskaj rakiety na žyły dom paškodžana blizu 60 kvater.
Na miescy prylotu byŭ pažar, jaho patušyli ratavalniki.