Zakatać knihu ŭ cemient
vyrašyła mastačka Volha Sazykina. Novaja vystava, pryśviečanaja kniham u halerei «Ŭ».
Jura Šuct. «Kniha padarožžaŭ» (abranyja arkušy z eskiźnika).
Da 29 listapada ŭ halerei sučasnaha mastactva «Ŭ» (Niezaležnaści, 37a) adkryłasia kalektyŭnaja vystava, pryśviečanaja vobrazu knihi ŭ mastactvie, ScetchBook.
Najvažniejšaj knihaj dla mastaka pa-raniejšamu jość skietčbuk. Skietčbuk — pa prostu «eskiźnik», albom, kudy mastak robić nakidy, usio roŭna, jak svaje natatki i zaciemki ŭ dziońnik piša litaratar.
Za stahodździ svajho isnavańnia skietčbuk i zvyčajnaja kniha zaznali vialikija źmieny: mastaki dadali ŭ eskiźniki bolš dziońnikavych zapisaŭ i navat azdobili ich litaraturnymi tvorami, u tyj čas jak kłasičnaja papiarovaja kniha sama zrabiłasia abjektam mastackaha rozdumu. Mastactva knihi na siońniašni dzień nie abmiažoŭvajecca zvykłym vydańniem z usimi vantrobami, tekstam i ilustracyjami. Ciapier mastak źviartajecca da knižnaj tematyki jak u sučasnych žanrach: vykarystoŭvaje jaje ŭ pierfomansach i videaarcie, tak i ŭ kłasičnych formach: žyvapisie, hrafici i skulptury. Hetak kniha robicca tvoram mastactva.
«Zamiest taho kab drukavać daraženny katałoh svaich pracaŭ adnojčy ja vyrašyła pa-mastacku ŭstavić va ŭžo nadrukavanuju prazaičnuju knihu, jakaja mnie spadabałasia, svaje foty, eskizy i zaciemki, — kaža adna z udzielnic prajektu, dyrektarka varšaŭskaj halerei Zoya, mastačka Zoja Łucevič. — Atrymałasia jak na mastaka i admysłova, i niadoraha. Navat dziŭna, što nichto raniej da hetaha nie dadumaŭsia. Adzinaja prablema: katałoh maich pracaŭ isnuje tolki ŭ adzinym asobniku».
Volha Sazykina «Biblijateka ŭspaminaŭ»(2009) |
Na vystavie ScetchBook možna pabačyć jak kłasičnyja arkušy eskiźnikaŭ mastaka Jury Šusta, jaki stała žyvie ŭ Italii, ź jaho zamaloŭkami jeŭrapiejskaj štodzionnaści, tak i zakatanyja ŭ cemient knižnyja vydańni z kanceptualnaj instalacyi Volhi Sazykinaj, jaje praca-rozdum «Biblijateka ŭspaminaŭ» pra knihu jak elemient uspaminaŭ. Pobač: aryhinały namalavanych knih, art-knihi, a taksama pryvatnyja natatniki mastakoŭ.
Spantannaja vystava ScetchBook praciahniecca da 29 listapada.
Što budzie cikavaha na vystavie akramia asnoŭnaj ekspazicyi?
27.11 — Lekcyja «Knihu jak art-abjekt», jakuju praviadzie admysłova pryjechały z Šviecyi pierakładčyk i paet Dźmitry Płaks. Padčas lekcyi budzie prezientavanaja padzielenaja na 9 častak kniha, jakuju, kab pračytać treba, kab sabralisia ŭsie 9 pakupnikoŭ.
28.11 — Sa svaimi rukapisnymi knihami (i vieršami) pryjeduć ukrainskija litaratary, udzielniki lit'abiadnańnia «Bočka». Akcyja «Hruzicie vieršy bočkami» pačniecca a 18.
29.11. — Sustreča z supołkaj «Saša&Tania», badaj adzinymi prafiesijnymi majstrami, vytvorcami samarobnych aŭtarskich knižak, zinaŭ. Viečar «Nadrukuj siabie sam(a): viečar razmovaŭ, vystavy i kino pra ziny» pačniecca a 20.
A taksama: prahlady słajd-šou, pryśviečanyja skietčbukam ź inšych krain, muzyčnyja prahramy.