Schod apoŭźnia na kurorcie ŭ Hruzii. Zahinuli 11 čałaviek, šukajuć 25 čałaviek
Pavodle apošnich źviestak, u vyniku apoŭźnia, jaki syšoŭ u Šovi 3 žniŭnia, zahinuli 11 čałaviek. Razburanyja byli masty, i paškodžana daroha na ŭjeździe ŭ Šovi. Na hety čas ratavalniki evakujavali 210 čałaviek, a 25 čałaviek šukajuć.
Fota: Courtesy of Roads Department of Georgia
Pošukava-vyratavalnyja raboty ŭ rajonie schodu apoŭźnia na kurorcie Šovi ŭ Hruzii praciahvajucca. U apieracyi biaruć udzieł 400 ratavalnikaŭ. Im dapamahajuć 200 vajskoŭcaŭ, adnavili pracy viertaloty, paviedamlaje «Sputnik-Hruzija».
Pavodle apošnich źviestak, u vyniku apoŭźnia, jaki syšoŭ u Šovi 3 žniŭnia, zahinuli 11 čałaviek. Razburanyja byli masty, i paškodžana daroha na ŭjeździe ŭ Šovi. Na hety čas ratavalniki evakujavali 210 čałaviek, a 25 čałaviek šukajuć.
«Užo možna skazać, što kolkaść 25 čałaviek, ź jakimi nie ŭdajecca źviazacca dahetul, nie vyraście. Naadvarot, skarocicca», — skazaŭ kiraŭnik słužby pa kiravańni nadzvyčajnymi situacyjami Cimur Mhiebryšvili.
Pavodle danych Ministerstva achovy zdaroŭja Hruzii, surjozna paciarpiełych padčas stychijnaha biedstva niama, usim vyratavanym akazali dapamohu prosta na miescy. Adnak u epicentry trahiedyi praciahvajuć pracu miedyki i pradstaŭniki Mižnarodnaj arhanizacyi Čyrvonaha Kryža.
Hałoŭnaja dapamoha, pavodle słoŭ ministra achovy zdaroŭja Zuraba Azarašvili, ciapier patrabujecca siemjam, jakija šukajuć svajakoŭ, ź imi pastajanna pracujuć miedyki i psichołahi.
U apieracyi biaruć udzieł 400 ratavalnikaŭ, im dapamahajuć 200 vajskoŭcaŭ.
Užo ŭdałosia rasčyścić častku terytoryi pry dapamozie ciažkaj techniki i zabiaśpiečyć dostup da niedastupnych łakacyj, dzie pošukavyja raboty pačnucca zranku 5 žniŭnia. Zaŭtra ž svajaki źnikłych bieź viestak zmohuć trapić u epicentr biedstva.
Pavodle zapeŭnieńnia Słužby kiravańnia nadzvyčajnymi situacyjami na dadzieny momant dla pošukavych rabot mabilizavana dastatkova ratavalnikaŭ i techniki, i adzinaj prablemaj zastajecca ŭskładnieny dostup da miesca biedstva.
Vajskoŭcy dałučylisia da likvidacyi nastupstvaŭ apoŭźnia na kurorcie Šovi.
Schod apoŭźnia spravakavali bahatyja apadki, rastavańnie lednikoŭ i sielevyja patoki, zajaviła staršynia parłamienckaha kamiteta ŭ pytańniach achovy navakolnaha asiarodździa Majia Bitadzie. Śpiecyjalisty śćviardžajuć, što na kurort Šovi syšło kala 5 miljonaŭ kubamietraŭ ćviordaj masy.
Niebiaśpieki paŭtareńnia padobnaha stychijnaha biedstva ŭ Šovi niama, kažuć ekśpierty.
Klimatyčny i balniejałahičny kurort Šovi znachodzicca na vyšyni 1,5 tysiačy mietraŭ nad uzroŭniem mora ŭ Onskim rajonie (rehijon Rača-Lečchumi i Kviema Svanieci).
Abnoŭlena. Pa infarmacyi na 19.00 zahinułych užo 16.