Ukrainskija Pavietranyja siły abvierhli infarmacyju pra zapusk u subotu rakiet ź Biełarusi
Śpikier Pavietranych sił Ukrainy Juryj Ihnat abvierhnuŭ zapusk rakiet ź Biełarusi pa Ukrainie ŭ subotu i patłumačyŭ, jak mahli źjavicca čutki ab puskach.
«Kinžał». Skrynšot videa Minabarony Rasii
Juryj Ihnat patłumačyŭ, što rakiety «Kinžał» byli zapuščanyja z samalota MiH-31 pablizu Tambova i trajektoryja ich palotu prachodziła praź Biełaruś. I mienavita z hetaha boku jany zachodzili ŭ pavietranuju prastoru Ukrainy ŭ napramku Chmialnickaj vobłaści, skazaŭ jon.
Raniej pra toje, što zapuskaŭ rakiet z terytoryi Biełarusi nie fiksavałasia, zajaŭlała manitorynhavaja hrupa «Biełaruski Hajun».