«My budziem čakać». Viktar Łukašenka ŭsio jašče spadziajecca atrymać zaprašeńnie na Alimpijadu
Nacyjanalny alimpijski kamitet Biełarusi ŭsio jašče čakaje zaprašeńnia na Alimpijskija hulni ŭ Paryžy ŭ 2024 hodzie, paviedamiŭ prezident NAK Viktar Łukašenka na ŭračystych mierapryjemstvach da Dnia Minska kala Pałaca sportu.
«Što tyčycca ŭdziełu našaj kamandy ŭ Alimpijskich hulniach, to zaprašeńnia dahetul niama. Kala miesiaca tamu jany pavinny byli razasłać ich, ale Mižnarodny alimpijski kamitet i fiederacyi dahetul nie pryniali pastanovy. My budziem čakać», — zajaviŭ Viktar Łukašenka.
Prablemy z udziełam u alimpijskich spabornictvach u Biełarusi ŭźnikli ŭ suviazi z tym, što režym Łukašenki padtrymaŭ u lutym 2022 hoda ahresiju Rasii suprać Ukrainy. Adnosna dopusku biełaruskich i rasijskich spartsmienaŭ da Alimpijady viaducca pastajannyja dyskusii: adny za toje, kab ich nie dapuskać uvohule, inšyja za toje, kab dapuścić pad niejtralnymi ściahami tych spartsmienaŭ u indyvidualnych dyscyplinach, jakija publična nie padtrymlivali vajnu i nie majuć dačynieńnia da siłavych struktur abiedźviuch krain.
Čytajcie taksama:
Biełarusam nie pakažuć najbujniejšych spartyŭnych spabornictvaŭ novaha siezona — Ejsmant
Prezident MAK vystupiŭ za dopusk biełarusaŭ i rasijan na Alimpijadu