Adbitki palcaŭ buduć zdavać usie vajskovaabaviazanyja
Deputaty adrazu ŭ dvuch čytańniach pryniali papraŭki ŭ zakon «Ab daktyłaskapičnaj rehistracyi».
Pracedura daktyłaskapii stanie abaviazkovaj dla ŭsich vajskovaabaviazanych u Biełarusi. Deputaty PP NS 9 śniežnia adrazu ŭ dvuch čytańniach pryniali papraŭki ŭ zakon «Ab daktyłaskapičnaj rehistracyi».
Papraŭki inicyjavała Ministerstva ŭnutranych spraŭ, zajaviŭ deputatam kiraŭnik hetaha viedamstva Anatol Kulašoŭ.
Tolki sioleta pry dapamozie adbitkaŭ palcaŭ milicyja vyjaviła asoby 375 čałaviek, jakija raniej prachodzili pa spravach jak nieviadomyja. Adbitki palcaŭ užo zdali 1,4 miljona čałaviek, 22 tysiačy admovilisia, paviedamiŭ Kulašoŭ. Papraŭki nabuduć moc, kali ich zaćvierdzić saviet respubliki i novuju redakcyju zakona padpiša kiraŭnik Biełarusi.
Vajskovaabaviazanyja — heta hramadzianie Biełarusi 18—55 hadoŭ.
Jakoje pakarańnie budzie tym, chto admovicca prachodzić hetuju praceduru, pacikavilisia žurnalisty ŭ ministra Kulašova.
Toj adkazaŭ, što pakul adkaznaść nie prapisanaja.
Adnak kiraŭnik MUS nie dumaje, što takich ludziej budzie šmat: «Naš narod davoli zakonapasłuchmiany. I ja nie dumaju, što budzie šmat admovaŭ».