U pasiołku Śvietłahorskaha rajona mužčyna źniaŭ z fłahštoka aficyjny ściah i paviesiŭ ukrainski
U noč z 13 na 14 kastryčnika ŭ rabočym pasiołku Sasnovy Bor niechta pierarezaŭ drot z fłahštoka, źniaŭ dziaržaŭny ściah i vykinuŭ jaho ŭ śmiećcievy kantejnier. Zamiest biełaruskaha ściaha byŭ uźniaty ŭkrainski. Pra heta vydańniu «Śvietłahorskija naviny» raspavioŭ śledčy pa asabliva važnych spravach Śvietłahorskaha RASK Vasil Marušenka.
Sasnovy Bor. Fota: glubinka.by
Milicyja zatrymała 41-hadovaha mužčynu, jaki, jak paviedamlajecca, raniej u pole zroku milicyi nie traplaŭsia.
«Padčas praviadzieńnia pieratrusu pa miescy žycharstva była vyjaŭlenaja simvolika ekstremisckaj nakiravanaści», — paviedamlaje vydańnie.
Mužčynu zatrymali.
Zaviedziena kryminalnaja sprava pa art. 370 Kryminalnaha kodeksa Respubliki Biełarusi «Ździek ź dziaržaŭnych simvałaŭ». Pavodle jaho, mužčynu pahražaje pakarańnie ad štrafu da troch hadoŭ pazbaŭleńnia voli.