Armienija moža zakryć rasijskuju vajskovuju bazu — Pašynian
Ułady Armienii nie bačać nijakich pieravah u zachavańni prysutnaści rasijskaj vajskovaj bazy ŭ krainie, zajaviŭ premjer-ministr Respubliki Nikoł Pašynian u kamientary Wall Street Journal.
Nikoł Pašynian. Fota: Dogukan Keskinkilic/Anadolu Agency via Getty Images
Pavodle słoŭ armianskaha premjera, ciapier Jerevan šukaje novych partnioraŭ, pakolki Maskva nie vykanała svaich sajuźnickich zabaviazańniaŭ. Pašynian adznačyŭ, što asabliva jarka heta vyjaviłasia padčas uzbrojenaj apieracyi Azierbajdžana ŭ Nahornym Karabachu, jakaja adbyłasia ŭ minułym miesiacy i skončyłasia kapitulacyjaj niepryznanaj respubliki, a taksama masavym zychodam armian z rehijona.
«Hetyja padziei, pa sutnaści, pryviali nas da rašeńnia, što nam nieabchodna dyviersifikavać našy adnosiny ŭ śfiery biaśpieki, i my ciapier sprabujem heta zrabić», — skazaŭ Pašynian.
U Armienii znachodzicca 102-ja rasijskaja vajskovaja baza. Jaje kolkaść — kala 3500 vajskoŭcaŭ. Jana była stvoranaja ŭ 1995 hodzie i niasie bajavoje dziažurstva ŭ ramkach Abjadnanaj sistemy SPA SND pavodle miždziaržaŭnaj damovy terminam na 49 hadoŭ (da 2044 hoda).
Čytajcie taksama:
Pašynian: Armienija hatovaja być bližejšaj da ES, nakolki Jeŭrasajuz ličyć heta mahčymym