U domie z pano na praśpiekcie Niezaležnaści zatapiła piać kvater
U domie № 143/1 na praśpiekcie Niezaležnaści ŭ Minsku zatoplena nie mienš za piać kvater, ale ich kolkaść moža vyraści. Pra heta raspavioŭ Minsk-Navinam namieśnik dyrektara pa ekspłuatacyi žyłfondu ŽKH Pieršamajskaha rajona Siarhiej Šłykaŭ.
Fota: Tut.by
Pavodle jaho słoŭ, pieršaja zajaŭka ab zatapleńni pastupiła 31 kastryčnika ŭ 21:24. Haradskaja avaryjnaja słužba vyjaviła i łakalizavała cieču stajaka chałodnaj vady na techničnym paviersie. Na nastupny dzień byŭ praviedzieny ramont, vodazabieśpiačeńnie było adnoŭlena.
U kvaterach častkova adklučyli elektryčnaść, kab nie było karotkaha zamykańnia.
«Ciapier śpiecyjalisty ŽEU praviarajuć stan pravodki, tam, dzie jana vysachła, adnaŭlajuć padaču elektraenierhii», — skazaŭ Šłykaŭ.
Pa słovach pradstaŭnika ŽKH, paśla poŭnaha vysychańnia kvater buduć składzienyja akty zalićcia. Ułaśnikam prapanujuć varyjanty kampiensacyi.
«Z ułaśnikami kožnaj kvatery sposab kampiensacyi budzie ŭzhadniacca indyvidualna: kali chtości pažadaje hrašovuju kampiensacyju, ŽEU pradastavić jaje, kali chtości zachoča, kab žyllovaja arhanizacyja vykanała ramont, jon budzie zrobleny»,-skazaŭ Šłykaŭ.
Pra vypadak u domie ŭ mikrarajonie «Uschod» stała viadoma siońnia ranicaj, nahadvaje Reform.by: u 16-paviarchovym domie prarvała trubu na 6-m paviersie. U domie adklučyli elektryčnaść. Žychary byli vymušanyja evakujavacca.