U «DNR» padčas ukrainskaha abstrełu zahinuła artystka z Maskvy
Rasijskija Z-kanały paviedamlajuć, što 19 listapada kala siała Starabiešava na Danieččynie rasijskija akupacyjnyja vojski pravodzili ŭznaharodžańnie da Dnia rakietnych vojskaŭ i artyleryi i z hetaj nahody zładzili kancert. A padčas jaho miesca kancerta nakryła ahniom ukrainskaj artyleryi, pry hetym adna z artystak zahinuła.
Imia zahinułaj artystki — Palina Miańšych. Joj było 40 hadoŭ i jana, jak paviedamlajecca, była viadomaja jak chareohraf, režysior i dramaturh. Jana była stvaralnica teatra-studyi «Lehie Arcis» (2001-2016), teatra etnatanca «Niežań» (z 2021 hoda). Siarod inšaha była pastanoŭščycaj adnoj ź viersij fentezi-miuzikła «Apošniaje vyprabavańnie» («Lehie Arcis»).
Paviedamlajecca, što adnoj rakietaj z «Chajmarsa» nibyta byli raźbityja mašyny vałancioraŭ, a druhoj — hrymiorka z artystami i scena. Nastupnyja ŭdary nibyta pryjšlisia pa tych, chto vyciahvaŭ paranienych z-pad zavałaŭ.
Pavodle paviedamleńnia ŭkrainskaha boku, padčas hetaj ataki zahinuli 25 rasijskich vajskoŭcaŭ, a jašče 100 atrymali ranieńni. Pra heta zajaviŭ pałkoŭnik USU, kamandzir 28-j asobnaj miechanizavanaj bryhady Juryj Madziar. Ale paćviardžeńnia hetaj infarmacyi pakul niama.
Čytajcie taksama:
Pad Barysavam pačali stvarać dziciačy reabilitacyjny centr Alaksieja Tałaja
Kiraŭnik «DNR» uznaharodziŭ prapahandysta Sałaŭjova zvańniem Hieroja