Bieraściejec znajšoŭ u lesie hranatu i staŭ invalidam
47-hadovy mužčyna nie mieŭ pastajannaha miesca pracy i zajmaŭsia pošukam i zdačaj mietałałomu. U lesie jon znajšoŭ častki bojeprypasaŭ i vybuchovych pryład, u tym liku procitankavyja hranaty.
Hranata. Ilustracyjnaje fota «Ukrainskaja praŭda»
Adnu z hranat u dvary svajho doma pasprabavaŭ raśpiłavać, paviedamlaje Hienprakuratura.
Adbyŭsia vybuch, i mužčyna atrymaŭ ciažkija traŭmy.
Pry ahladzie miesca zdareńnia ŭ jahonym dvary znajšli vialiki arsienał ź dziasiatkaŭ składovych častak vybuchovych pryład i bojeprypasaŭ.
Niadaŭna sud Maskoŭskaha rajona Bresta vynies abvinavaŭčy prysud.
Na padstavie č. 2 art.295, č. 2 art. 77 KK z ulikam atrymanaj u vyniku vybuchu invalidnaści I hrupy pryznačana nastupnaje pakarańnie: pazbaŭleńnie voli na adzin hod biez štrafu z adterminoŭkaj na dva hady.
Praŭda, prysud u zakonnuju siłu nie ŭstupiŭ i moža być abskardžany i apratestavany ŭ apielacyjnym paradku.