U Breście adkryli «ŭnikalnuju» koŭzanku, ale jana rasčaravała
U Breście kala hałoŭnaj haradskoj jalinki 1 śniežnia zapracavała koŭzanka. Ułady anansavali, što jana ŭnikalnaja i katacca tut možna budzie pry lubym nadvorji, ale akazałasia, što heta nie zusim tak, piša CityDog.io.
Pa słovach haradskich uładaŭ, hetaja koŭzanka pavinna była stać unikalnaj: amal 500 kv. m sintetyčnaha lodu «premium-jakaści adnaho ź viadučych suśvietnych vytvorcaŭ». Abiacali, što koŭzacca tut možna budzie pry lubym nadvorji, i navat razyhryvali zaprašalnyja ad administracyi horada na pieršy sieans.
Ale realnaja praktyka rasčaravała. U vychodnyja ŭ tyktok-akaŭncie bresckaha žurnalista Dzianisa Maruka źjaviłasia niekalki videa z rasčaravanymi haradžanami, jakija narakajuć, što kańki pa sintetyčnym lodzie zusim nie ślizhajuć.
@maruk.by #dienismaruk #novyjhodblizko #longervideos #bolšieminuty #realbrest #brest #briest ♬ orihinalnyj zvuk - Dienis Maruk
Dy i na videa bačna, što ludzi bolš chodziać pa katku, čym jeduć. Bolš-mienš prymalna heta atrymlivajecca tolki ŭ dziaciej za košt nievialikaj vahi.
@maruk.by #briest #brest #realbrest #bolšieminuty #longervideos #novyjhodblizko #dienismaruk ♬ orihinalnyj zvuk - Dienis Maruk
Pad pastami žurnalista ŭ tyktoku šmat niezadavolenych, jakija rasčaravanyja i pišuć, što lepš by hrošy ź biudžetu vydatkavali na niešta inšaje.
Čytajcie taksama:
Jak heta lubić. Hid pa siadzibach i chramach abaronnaha typu ŭ Biełarusi