Prezientacyja knihi Artura Klinava ŭ Vilni — 5 śniežnia
Prezientacyja knihi Artura Klinava «Horad utopii — horad impieryi» projdzie siońnia ŭ Vilenskim muziei imia Ivana Łuckieviča.
«Nichto nie bačyć Minsk tak, jak bačyć jaho Artur Klinaŭ — architekturnaje razumieńnie, čullivaść da prysutnaści tatalitaryzmu ŭ formach, kolerach i abjomach, špacyr jak pieražyvańnie, paśla jakoha śviet nie budzie vyhladać tak ža.
Dla tych, chto cikavicca architekturaj, dyskursami spadčyny i ŭtajmavańniem savieckaści ŭ našych sučasnych žyćciach.I dla tych, chto sumuje pa Minsku», — kažuć arhanizatary.
Artur Klinaŭ znakamity svaimi masštabnymi instalacyjami, jakija abjeździli ŭsiu Jeŭropu i navat pradstaŭlali Biełaruś na Bijenale ŭ Vieniecyi.
Architektar pa adukacyi, jon pryśviaciŭ ładnuju častku svajoj tvorčaści rodnamu Minsku i mastackamu daśledavańniu jaho tatalitarnaj architektury. Redaktar kultavaha almanachu pra sučasnuju kulturu pARTisan.