Jak na jeŭrapiejskich spuskach. Minčanka prakaciłasia na snoŭbordzie ŭ adnym kupalniku
Śmiełaja minčanka, błohierka i maci piaciarych dziaciej dniami prakaciłasia na snoŭbordzie ŭ «Siličach» u adnym tolki jarka-ružovym kupalniku. Videa haračaj pajezdki jana vykłała ŭ instahramie.
@belarus.vibe Minčanka prakaciłasia na snoŭbordzie ŭ kupalniku #mnohodietnajamama #snoubord #siliči #minsk #biełaruś #naviny #vbiełarusi #našaniva #hornołyžnyjkurort #minskajaobłasť ♬ Cola (Sped Up Version) - sped up nightcore
Dziaŭčynu kličuć Jana Čadovič. U kamientarach pad videa čytačy ščodryja na kamplimienty: «Vydatny łyžny harnitur, jarki i pa stanie», «Kłas! Usie snoŭbardysty pobač papadali, raziaviŭšy raty!», «Karaleva epatažu zusim nie Łedzi Haha, heta Jana!»
Viadoma, byli i tyja, chto zaniepakoiŭsia zdaroŭjem minčanki: paśla takich pakatušak i zachvareć možna.
— U mianie daŭno była ideja źniać taki rolik: mnie časta traplalisia padobnyja videa ź jeŭrapiejskich harnałyžnych kurortaŭ. Ja vyrašyła ich paŭtaryć. Tym bolš jak błohiercy mnie stała cikava, ci zalacić jon u rekamiendacyi, — raspaviała Onliner Jana. — Doma ja nadzieła kupalnik pad termabializnu z dumkaj ab tym, što naŭrad ci rašusia, ale chaj budzie na ŭsialaki vypadak.
Praz try hadziny katańnia dziaŭčyna ŭsio ž vyrašyłasia. Havoryć, što na toj momant užo razahrełasia i tamu joj było navat horača.
— Spusk zaniaŭ adnu chvilinu, tamu źmierznuć nie paśpieła, dyj adrenalin nie daŭ.
Pa słovach Jany, reakcyja ludziej vakoł była pazityŭnaj: ludzi na padjomnikach śvistali i padbadziorvali, a tyja, što byli na schile, spynilisia i čakali, kali dziaŭčyna prajedzie.
Čytajcie taksama:
Čyžoŭskaha «Łahojska» nie pradali. Patencyjnyja inviestary čakajuć źnižeńnia cany
Dzie ŭ Biełarusi možna aktyŭna adpačyć zimoj
Harnałyžnyja centry ŭ Biełarusi pačali siezon. Dzie možna pakatacca?