Apublikavany respublikanski biudžet na 2024 hod
Zhodna z dakumientam, u 2024 hodzie dachody respublikanskaha biudžetu płanujucca ŭ sumie 39 906,4 młn rubloŭ. Vydatki — 44 657 młn rubloŭ.
Fota: pravo.by
Nacyjanalny pravavy internet-partał apublikavaŭ Zakon «Ab respublikanskim biudžecie na 2024 hod». Zhodna z dakumientam, u 2024 hodzie dachody respublikanskaha biudžetu płanujucca ŭ sumie 39 906,4 młn rubloŭ. U metavaj struktury padatkovych dachodaŭ respublikanskaha biudžetu tradycyjna asnoŭnaje miesca zajmaje padatak na dadatkovuju vartaść, padatkovyja dachody ad źniešnieekanamičnaj dziejnaści, akcyzy, padatki na dachody i prybytak.
U 2024 hodzie vydatki respublikanskaha biudžetu płanujucca ŭ sumie 44 657,4 młn rubloŭ.
Vobłaści sacyjalnaj śfiery zastajucca pryjarytetnymi napramkami biudžetnaj palityki ŭ 2024 hodzie.
U pryvatnaści, z respublikanskaha biudžetu praduhledžvajecca finansavańnie:
— śfiery sacyjalnaj palityki, u tym liku sacyjalnaj abarony, piensijnaha zabieśpiačeńnia, dapamohi siemjam, jakija vychoŭvajuć dziaciej, realizacyi dziaržaŭnaj maładziožnaj palityki, dapamohi ŭ zabieśpiačeńni žyllom i inšych pytańniaŭ — 2804,8 młn rubloŭ;
— achovy zdaroŭja — 2490,7 młn rubloŭ;
— adukacyi — 1887,3 młn rubloŭ;
— sielskaj haspadarki, rybahaspadarčaj dziejnaści — 1003,5 młn rubloŭ;
— transpartnaj śfiery — 240,1 młn rubloŭ.
Na absłuhoŭvańnie dziaržaŭnaj zapazyčanaści z respublikanskaha biudžetu ŭ 2024 hodzie płanujecca nakiravać 5305,2 młn rubloŭ.
Taksama ŭ 2024 hodzie praduhledžana pieradača tranśfiertaŭ:
— biudžetu dziaržaŭnaha pazabiudžetnaha fondu sacyjalnaj abarony nasielnictva na ahulnuju sumu 1742,3 młn rubloŭ;
— biudžetam inšych uzroŭniaŭ na 9155,9 młn rubloŭ.
Asnoŭnyja pałažeńni pravavoha akta ŭstupajuć u siłu 1 studzienia 2024 h., inšyja — paśla jaho aficyjnaha apublikavańnia.
Čytajcie taksama:
Z novaha hoda istotna padaražejuć cyharety
Urad vyznačyŭsia ź dziaržaŭnymi miedyja, jakim budzie akazana padtrymka ź biudžetu