Što viadoma pra homielskuju ajcišnicu Volhu Błaževič, zatrymanuju za danaty na $80
Ajcišnica Volha Błaževič, najchutčej, była zatrymanaja jašče ŭ kancy 2023 hoda, adnak siłaviki adspravazdačylisia pra jaje aryšt tolki ciapier.
Volha skončyła Homielski dziaržaŭny ŭniviersitet u 2011 hodzie, jana advučyłasia na prahramista-matematyka. Na jaje profili ŭ sietcy Linkedin paznačana šeść IT-kampanij, u jakich jana pracavała. Z žniŭnia 2020 dziaŭčyna kiruje kamandaj teściroŭščykaŭ u kampanii UULA, zarehistravanaj u Kuviejcie. Praŭda, u akaŭncie Volhi Błaževič paznačana, što jana pracavała ŭ Indyi.
Najchutčej, dziaŭčynu zatrymali pry viartańni ŭ Biełaruś, bo jaje akaŭnt u fejsbuku (ciapier zakryty) byŭ zusim niepačyščany. Na avatarcy stajaŭ bieł-čyrvona-bieły ściah, zachoŭvalisia padpiski na «Lusterka» i «Chartyju'97». A ŭ płaciažach stajali try achviaravańni — na 10, 20 i 50 dalaraŭ.
Pa słovach siłavikoŭ, ciapier Volha Błaževič znachodzicca ŭ izalatary časovaha ŭtrymańnia i vyrašajecca pytańnie ab tym, da jakoj adkaznaści jaje pryciahnuć.
Čytajcie taksama:
Masavyja zatrymańni paśla 18+ chientaj-viečarynki ŭ Minsku
U Miorach za «ekstremizm» aštrafavali dyrektara miascovaj ŽKH
Pa viartańni z-za miažy zatrymali bieraściejca, jaki pryjechaŭ u Biełaruś na śviaty