Biełarusy za čatyry miesiacy atrymali 140 tysiač «sinich kartaŭ» dla pajezdak u Rasiju
Ličby pra kolkaść vydadzienych «sinich kartaŭ» pryviali 11 studzienia na pres-kanfierencyi na temu aŭtastrachavańnia hramadzian Biełarusi i Rasii ŭ multymiedyjnym pres-centry «Sputnik Biełaruś».
Fota: av.by
Z 2 vieraśnia 2023 hoda, kali stała dziejničać novaja sistema mižnarodnaha aŭtastrachavańnia «siniaja karta», na hety momant biełaruskija kiroŭcy atrymali bolš za 140 tysiač «sinich kartaŭ» dla pajezdak u Rasiju. U toj ža čas rasijskim aŭtamabilistam było vydadziena dla pajezdak u Biełaruś kala 150 tysiač takich polisaŭ.
Da kanca červienia 2024 hoda biełarusam možna jeździć u Rasiju jašče i pa mižnarodnych «zialonych kartach», zaklučanych da leta 2023 hoda, termin dziejańnia jakich pakul nie skončyŭsia. Na błankach «zialonaj karty» (zialonaha koleru), jakija nie paśpieli realizavać da vyklučeńnia ź mižnarodnaj sistemy, ciapier afarmlajecca i «siniaja karta».
Polisy strachavańnia na novych, sinich błankach biełaruskija aŭtamabilisty buduć atrymlivać z 1 sakavika 2024 hoda, a rasijskija — z 1 krasavika.
Raniej, z 30 červienia 2023 hoda, biełarusy i rasijanie stracili mahčymaść afarmlać mižnarodnyja polisy «Zialonaja karta» praz toje, što było prypyniena siabroŭstva Rasijskaha sajuza aŭtastrachoŭščykaŭ i Biełaruskaha biuro pa transpartnym strachavańni ŭ adpaviednym pahadnieńni.
Čytajcie taksama:
Biełaruś i Rasija pierajšli z «Zialonaj karty» na «Siniuju»
U śniežni ŭ Biełarusi było pradadziena ŭdvaja bolš lehkavych aŭtamabilaŭ, čym letaś