Ryhor Kastusioŭ skardzicca na zdaroŭje ŭ turmie: «Apošnija dva miesiacy byli ciažkija»
66-hadovy eks-staršynia Partyi BNF znachodzicca ŭ haradzienskaj turmie.
Ryhor Kastusioŭ u sudzie. Fota: BiełTA
«Ryhor Kastusioŭ znachodzicca ŭ haradzienskaj turmie. Pa apošniaj infarmacyi ŭ kamiery adzin. Skardzicca na zdaroŭje. Kaža, što apošnija dva miesiacy ŭ «Voŭčych norach» byli vielmi ciažkimi. Doŭhi etap u Harodniu taksama padkasiŭ zdaroŭje…», — napisaŭ u fejsbuku jahony ziać Dźmitryj Antončyk.
Ryhora Kastusiova zatrymali 12 krasavika 2021 hoda ŭ Škłovie pa spravie pavodle art. 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Paźniej jaho asudzili da 10 hadoŭ kałonii. U listapadzie stała viadoma, što palitźniavolenaha źmiaścili na 6 miesiacaŭ u pamiaškańnie krytaha typu, a potym pieraviali ŭ haradzienskuju turmu.
U źniavoleńni ŭ Ryhora Kastusiova abvastrylisia prablemy sa zdaroŭjem — u jaho vyjavili ankałahičnaje zachvorvańnie.
Čytajcie taksama:
Chvoraha na ankałohiju Ryhora Kastusiova pieraviali ŭ turmu ŭ Hrodnie