Favarytku Łukašenki Ksieniju Sankovič zaćvierdzili hienieralnym sakratarom NAK
U pačatku 2024 hoda ŭ struktury Nacyjanalnaha alimpijskaha kamiteta Biełarusi adbylisia źmieny. Paŭnavartasnym hienieralnym sakratarom arhanizacyi stała byłaja himnastka Ksienija Sankovič. Pra heta śviedčyć infarmacyja na sajcie NAK.
Apošnija dva hady Sankovič ličyłasia vykanaŭcaj abaviazkaŭ hienieralnaha sakratara, choć farmalna pasadu zajmała Palina Hałavina — 34-hadovaja vypusknica injaza, jakaja zrabiła karjeru ŭ Fiederacyi parusnaha sportu, a ŭ 2020 pierajšła ŭ NAK.
33-hadovaja Ksienija Sankovič — byłaja himnastka, pryziorka Alimpijady-2008. Zajmieła słavu jak favarytka biznesmiena Juryja Čyža. Ale navat paśla jaho aryštu Sankovič zastałasia ŭ «kavunovym bataljonie» Alaksandra Łukašenki, siadzieła pobač ź im na šmatlikich mierapryjemstvach.
Sankovič robić karjeru spartyŭnaha funkcyjaniera, a taksama pracuje viadučaj na telekanale ANT.
Ksienija Sankovič i Viktar Łukašenka
Čytajcie taksama:
Kavunovy bataljon Łukašenki: chto hetyja dziaŭčaty? FOTY
Iryna Laparskaja: U Juryja Čyža i Ksienii Sankovič dakładna było kachańnie
Łukašenka na ŭračystaściach da adkryćcia Pałaca himnastyki siadzieŭ z Kabajevaj i Sankovič FOTY
23-hadovaja himnastka Ksienija Sankovič — chto palacieŭ u Sočy ŭ kampanii Łukašenki? FOTY