Amal pałova palakaŭ niehatyŭna stavicca da biełarusaŭ
47% hramadzian Polščy niehatyŭna staviacca da biełarusaŭ. Pra heta śviedčać vyniki apošniaha sacyjałahičnaha daśledavańnia, praviedzienaha Polskim centram vyvučeńnia hramadskaj dumki.
Fota: cbos.pl
Pra simpatyju da biełarusaŭ zajavili tolki 24% apytanych, jašče 21% staviacca da biełarusaŭ abyjakava, 8% nie zmahli vyznačycca z adkazam.
Bolš niehatyŭnaje staŭleńnie ŭ palakaŭ tolki da rasiejcaŭ — da ich niehatyŭna nastrojenyja 76% apytanych, tolki 8% zajavili pra pazityŭnaje staŭleńnie. Ukraincaŭ pazityŭna acanili 40% respandentaŭ, niehatyŭna — 30%.
Pavodle apublikavanych u lutym hetaha hoda danych, tolki za 2023 hod u Polšču pierajechali bolš za 60 tysiač biełarusaŭ. Ahulnaja kolkaść biełarusaŭ u Polščy za apošnija piać hadoŭ vyrasła ŭ 6,5 razoŭ i ciapier aceńvajecca prykładna ŭ 310 tysiač čałaviek.
Čytajcie taksama:
U 2023 hodzie prytułku ŭ Jeŭropie paprasili bolš za 5,6 tys. biełarusaŭ
U 2023 hodzie biełaruski naradzili ŭ Polščy 775 dziaciej
Biełarusy raskazali, jak źmianiłasia ich žyćcio paśla atrymańnia druhoha hramadzianstva
U minułym hodzie bolš za tysiaču biełarusaŭ učynili złačynstvy ŭ Polščy