Handlovyja kramki la Pałaca sportu buduć pracavać kruhły hod
U Minsku ramantujuć placoŭku na Niamizie dla praviadzieńnia masavych mierapryjemstvaŭ, da majskich śviataŭ jana pavinna być hatovaja.
Fota: Minsk-Naviny
Źmienicca i kancepcyja arhanizacyi vyjaznoha handlu, paviedamiła «Minsk-Navinam» načalnik Hałoŭnaha ŭpraŭleńnia handlu i pasłuh Minharvykankama Alena Nahornaja.
— Pryniata rašeńnie ab funkcyjanavańni handlovych abjektaŭ na placoŭcy la Pałaca sportu na pastajannaj asnovie. Z 9 maja jany pačnuć pracu ŭ draŭlanych šale, častka jakich užo ŭstanoŭlena. Pakul ich usiaho 9, jašče 16 robiacca i buduć ustanoŭleny da śviata. Raźmiaścić ich vyrašyli pa pierymietry placoŭki dla praviadzieńnia masavych mierapryjemstvaŭ. U Dzień Pieramohi ich prateścirujem, pahladzim, nakolki takoje raźmiaščeńnie estetyčna i zručna dla minčan i haściej stalicy, — patłumačyła Alena Nahornaja.
Načalnik Hałoŭnaha ŭpraŭleńnia handlu i pasłuh Minharvykankama nahadała, što ŭ hetaj častcy horada hulaje šmat ludziej, asabliva ŭ letni pieryjad. Ciapier u ich budzie mahčymaść u luby dzień nabyć ježu i napoi ŭ šale, a taksama pryjemna pravieści čas pablizu Śvisłačy.
Choć handlovyja punkty ŭ asnoŭnym buduć vykonvać funkcyju abjektaŭ hramadskaha charčavańnia, u adnym ź ich praduhledziać prodaž suvienirnaj pradukcyi.
Čytajcie taksama:
Jak Śviata-Jelisaviecinski žanočy manastyr pieratvaryŭsia ŭ sapraŭdny biznes-chołdynh
Internet-kramam dazvolać nie prymać ad pakupnikoŭ najaŭnyja hrošy
Biznes-sajuz zajaviŭ pra krytyčny niedachop u Biełarusi pradaŭcoŭ