Minabarony Rasii zajaviła pra rost kolkaści achvotnych słužyć pa kantrakcie, kab «pomścić za zahinułych» u «Krokusie»
Nibyta za apošnija 10 dzion kantrakty dla ŭdziełu ŭ vajnie va Ukrainie padpisali 16 tysiač čałaviek.
Fota: MNS Rasii
Štodnia ŭ punkty adboru na kantrakt pa ŭsioj krainie prychodziać da 1700 čałaviek, piša «Mieduza».
«U chodzie hutarak, praviedzienych za apošni tydzień u punktach adboru ŭ haradach Rasii, bolšaść kandydataŭ u jakaści asnoŭnaha matyvu zaklučyć kantrakt pakazvali žadańnie adpomścić za zahinułych u trahiedyi, jakaja adbyłasia 22 sakavika».
22 sakavika hrupa ŭzbrojenych ludziej učyniła stralaninu i padpaliła kancertnuju zału «Krokus Sici Choł» u Maskvie. Zahinuli 144 čałavieki, bolš za 550 paciarpieli.
Adkaznaść za terakt u «Krokusie» ŭziała na siabie jačejka IDIŁ pad nazvaj «Viłajat Charasan». Ułady Rasii nastojvajuć na tym, što za arhanizacyjaj teraktu ŭ «Krokusie» staić Ukraina. Nijakich dokazaŭ Rasija nie pryvodzić.
Ukraina jakoje-niebudź dačynieńnie da napadu admaŭlaje.
Čytajcie taksama:
ZŠA papiaredžvali Rasiju ab terarystyčnym napadzie mienavita ŭ «Krokusie» — The Washington Post
Reuters: Iran papiaredžvaŭ rasijskija śpiecsłužby pra padrychtoŭku napadu na «Krokus»