U vyniku načnoha nalotu «Šachiedaŭ» na Charkaŭ zahinuli čatyry čałavieki
Troje z zahinułych ratavalniki, jakija pryjechali na miesca zdareńnia padčas pieršaha ŭdaru.
Mer Charkava Ihar Cierachaŭ padzialiŭsia apošniaj infarmacyjaj ab načnym napadzie ŭdarnych dronaŭ.
Jon napisaŭ, što ŭsiaho zahinuli čatyry čałavieki. Paraniena 12 čałaviek.
Troje z zahinułych — ratavalniki. Jany prybyli na miesca ŭdaru pa žyłym domie, i ŭ hety momant prylacieŭ jašče adzin «Šachied».
Taksama bieśpiłotnik patrapiŭ u 14-paviarchovy žyły dom, razburyŭ kvatery na niekalkich pavierchach i paškodziŭ vonkavuju ścianu.
Čytajcie taksama:
Razburana praktyčna ŭsia enierhietyčnaja infrastruktura, ale nichto nie apuskaje ruki — mer Charkava