Niezaležny prafsajuz u Mahilevie pieramoh administracyju ZŠT
Sudovaje pasiedžańnie ŭ Kastryčnickim rajonie abłasnoha centra pa razhladzie pracoŭnaj skarhi na niezakonnyja dziejańni administracyi Zavoda štučnaha vałakna ŭ adnosinach da rabotnikaŭ pradpryjemstva, aktyvistaŭ niezaležnaha prafsajuza Ŭładzimiera Tuzava i Haliny Drazdovaj zaviaršyłasia rašeńniem na karyść rabočych. Sprava pa roznych instancyjach marudziłasia ad viasny, kali administracyja zavoda skarystałasia skančeńniem terminu ichnych kantraktaŭ i zvolniła pracaŭnikoŭ, ale nie śpiašałasia vypłacić naležnyja im hrošy. Sud pryznaŭ fakt niasvoječasovaha raźliku sa zvolnienymi i, adpaviedna, praterminavanaj vydačy im pracoŭnych knižak. Jurydyčnaj słužbie niezaležnaha prafsajuza (havorka viadziecca pra REP) udałosia z kopijami dakumentaŭ u rukoch i praz vyklik u sud śviedkaŭ davieści sudu, što administracyja parušyła artykuły pracoŭnaha zakanadaŭstva ŭ dačynieńni da zvolnienych rabotnikaŭ.
Takim čynam, pakryŭdžanym ludziam budzie vypłačanaja kampensacyja za vymušanyja prahuły, pakul jany z-za adsutnaści pracoŭnych knižak nia mieli mahčymaści ŭładkavacca na inšuju pracu, a taksama j za kožny dzień zatrymki vypłaty zarobku. Da taho ž sud vynies na adras administracyi pradpryjemstva pryvatnaje vyznačeńnie, u jakim zapatrabavaŭ ad kancernu «Biełnaftachim» pryniaćcia adpaviednych mieraŭ da kankretnych supracoŭnikaŭ, jakim dapuścili parušeńnie zakona.