U Minsku vajskovy bronieaŭtamabil Dajiang sutyknuŭsia z «Jandeks.Taksi»
Dniom 11 krasavika ŭ Minsku vajenny ŭsiedarožnik Dajiang sutyknuŭsia z aŭtamabilem «Jandeks.Taksi». Fota zdareńnia zjavilisia ŭ siecivie, zaŭvažyła «Lusterka».
Nastupstvy sutyknieńnia bronieaŭtamabila i taksi ŭ Minsku, 11 krasavika 2024 hoda. Fota: sacsietki
Paviedamlajecca, što avaryja adbyłasia na skryžavańni Łahojskaha trakta i vulicy Vałhahradskaj. Miarkujučy pa fota, Skoda i bronieaŭtamabil sutyknulisia ŭ druhoj-treciaj pałosach. Ruch u rajonie DTZ z zatrymkaj.
Aficyjnaj infarmacyi ab hetym DTZ pakul niama.
Nastupstvy sutyknieńnia bronieaŭtamabila i taksi ŭ Minsku, 11 krasavika 2024 hoda. Fota: sacsietki
Lohkija braniavanyja mašyny CS/VN3 Dajiang («Cmok») byli pryniaty na ŭzbrajeńnie biełaruskaha vojska ŭ 2017 hodzie. Jany prachodzili doślednuju ekspłuatacyju ŭ bataljonie achovy 361-j bazy, prymali ŭ tym liku ŭdzieł u vučeńniach «Zachad-2017».
Paśla doślednaj ekspłuatacyi ŭ Biełarusi branieviki byli dapracavanyja. Źmieny zakranuli płatformu pad uzbrajeńnie, sistemu vientylacyi pavietra, kiravańnie labiodkaj i erhanomiku vadzicielskaha miesca. Bronieaŭtamabili majuć kołavuju formułu 4×4. U kožnym branieviku moža raźmiaščacca da dzieviaci vajskoŭcaŭ u poŭnaj bajavoj ekipiroŭcy i vadziciel.
Partyja lohkich braniravanych mašyn CS/VN3 Dajiang prybyvaje ŭ Biełaruś z Kitaja, 18 studzienia 2018 hoda. Skrynšot: videa «VajenTB»
Całkam zvarny korpus sa stalovaj brani zabiaśpiečvaje abaronu čaćviortaha kłasa, zdolnuju vytrymać ahoń sa strałkovaj zbroi i traplańnie askiepkaŭ. Masa padrychtavanaha branievika — 8700 kiłahramaŭ.