Ułady: U respublikanskim subotniku biare ŭdzieł 2,4 miljona čałaviek

Padčas subotnika sabrana 14,5 miljona rubloŭ.

Dziaržsakratar Rady biaśpieki Alaksandr Valfovič siońnia pracavaŭ na dobraŭradkavańni miemaryjalnaha kompleksa ŭ Vałožynskim rajonie. Fota: BiełTA

«Na dadzieny momant u vydatnym śviacie pracy ŭdzielničajuć 2,4 młn čałaviek. Upeŭnieny, što ličba pavialičycca. Što tyčycca hrašovych srodkaŭ, jakija pastupili ŭ Ministerstva finansaŭ, to jany skłali Br14, 5 młn», — adznačyŭ na subotniku ŭ Kapylskim rajonie vice-premjer Piotr Parchomčyk.

Na dumku dziaržsakratara Rady biaśpieki Alaksandra Valfoviča, biełarusy absalutna pravilna ŭsprymajuć nieabchodnaść padtrymańnia čyścini i paradku ŭ rodnaj krainie. «Hramadzianie siońnia pracujuć u roznych miescach: chtości pracuje na budoŭli, chtości — na miemaryjalnych kompleksach, chtości — na ŭčastkach lesu», — padkreśliŭ jon.

Raniej paviedamlałasia, što zaroblenyja na subotniku hrošy pojduć:

35% — Homielskamu abłvykankamu na rekanstrukcyju miemaryjalnaha kompleksu «Dzieciam — achviaram vajny» ŭ Čyrvonym Bierazie Žłobinskaha rajona.

35% — Bresckamu abłvykankamu na stvareńnie respublikanskaha centra patryjatyčnaha vychavańnia moładzi na bazie Kobrynskaha ŭmacavańnia Bresckaj krepaści.

30% — na rekanstrukcyju i adnaŭleńnie miemaryjalnych kompleksaŭ, miescaŭ bajavoj i voinskaj słavy, raźmieščanych u abłaściach i Minsku.

@nashaniva Lenin i Stalin zaklikali biaspłatna harbacicca na subotniku ŭ Homieli #homiel #biełaruś #subbotnik #majakrainabiełaruś #naviny #biełaruśnovosti #lenin #stalin #našaniva ♬ SU - Sojuz Sovietskoj Socialističieskoj Riespubliki - Himn Sovietskoho Sojuza - Hosudarstviennyj himn SSSR 1977-1991 (Śpietaja Viersija) - Mieždunarodnyj Orkiestr

Kamientary da artykuła