Prakuror Mižnarodnaha kryminalnaha suda zapatrabavaŭ vydać order na aryšt premjera i ministra abarony Izraila
Anałahičnaje patrabavańnie tyčycca i lidaraŭ CHAMAS.
Prakuror Mižnarodnaha kryminalnaha suda Karym Achmad Chan zapatrabavaŭ vydać ordary na aryšt lidaraŭ hrupoŭki CHAMAS, a taksama premjer-ministra i ministra abarony Izraila.
U zajavie skazana, što lidar CHAMAS Jachja Sinhvar, kamandzir vajennaha kryła Machamied al-Masry i kiraŭnik Palitbiuro CHAMAS Ismaił Chanija datyčnyja da vajennych złačynstvaŭ u Izraili — ich padazrajuć u masavych zabojstvach, katavańniach, zhvałtavańniach, zachopie zakładnikaŭ i inšych złačynstvach.
Premjer Izraila Bińjamin Nietańjachu i ministr abarony Joaŭ Hałant padazrajucca ŭ zabojstvach, pravakavańni hoładu, źniščeńni, pryčynieńni pakut, pieraśledzie i inšych złačynstvach u siektary Haza.
Kali ordary buduć vydadzieny, krainy, jakija ratyfikavali Rymski statut, buduć abaviazany aryštavać padazravanych i pieradać ich u Haahu.