Minčuka adpravili na sutki za BČB-štory. Śviedka śćviardžaŭ, što tam niama takich koleraŭ
U sudzie arhumient nie pryniali.
Minčuka Viačasłava S. sudzili pavodle administracyjnaha artykuła za «pikietavańnie bieł-čyrvona-biełymi štorami».
Spravu razhladaŭ sud Pieršamajskaha rajona stalicy 26 krasavika. U dakumientach adznačajecca, što pravieryć mužčynu vyrašyli paśla paviedamleńnia nieviadomaha čałavieka ŭ milicyju, zaŭvažyŭ kanał «Viasna».
Viačasłaŭ atrymaŭ troje sutak aryštu. Minčuk navažyŭsia abskardzić pastanovu suda. Na pasiadžeńni jon adznačyŭ, što dokazy viny adsutničajuć. Taksama vystupiŭ śviedka, jaki zajaviŭ, što ŭ štorach nie było čyrvonaha i biełaha koleraŭ.
Adnak sud pakinuŭ skarhu biez zadavalnieńnia, rašeńnie zastałosia ŭ sile.