U Biełarusi ŭviali abmiežavańni na prodaž ałkaholu
Śpirtnyja napoi budzie zabaroniena pradavać u subotu, 25 maja, u suviazi z praviadzieńniem apošnich zvankoŭ u biełaruskich škołach.
Pra heta paviedamlaje vydańnie «BDH Diełovaja Hazieta».
Abmiežavańni na prodaž ałkaholu byli ŭviedzieny ŭ kramach i inšych abjektach roźničnaha handlu, ale nie va ŭstanovach hramadskaha charčavańnia, jakija prapanujuć ałkahol na raźliŭ (restarany, kafe, bary).
Čas, u jaki zabaronieny prodaž ałkaholu, moža adroźnivacca ŭ roznych haradach i rajonach i vyznačajecca miascovymi orhanami kiravańnia.
U niekatorych handlovych punktach ałkahol nielha kupić tolki pa subotach, u inšych — z suboty 8:00 da niadzieli 8:00. U niejkich rehijonach krainy abmiežavańni pačnuć dziejničać tolki paśla abiedu 25 traŭnia. Dzieści zabarona raspaŭsiudžvajecca na prodaž usiaho ałkaholu, a ŭ inšych — tolki na napoi z utrymańniem etyłavaha śpirtu 7% i vyšej. Rašeńni ab uviadzieńni abmiežavańniaŭ prymajucca kramami pa ŭłasnym mierkavańni.