Uchilista ź Vierchniadźvinska złavili ŭ Maskvie, viarnuli ŭ Biełaruś, dzie dali vialiki štraf
Sudździa Vierchniadźvinskaha rajona Taćciana Kuklina 8 maja za ŭchileńnie ad pryzyvu na voinskuju słužbu (č. 1 art. 435 KK) aštrafavała na 6000 rubloŭ Dźmitryja Suchadolskaha. Chłopiec pastajanna žyvie i pracuje ŭ Maskvie.
Ilustracyjnaje fota BiełTA
Dźmitryj vinu pryznaŭ. Jon paviedamiŭ, što ŭ 2023 hodzie paśla zakančeńnia VNU dumaŭ, što nieabchodna budzie prachodzić terminovuju słužbu, čakaŭ vykliku ŭ vajenkamat. Paźniej u sielvykankamie ad inśpiektara im była atrymana pozva ab nieabchodnaści jaŭki ŭ vajenkamat, pry hetym inśpiektar papiaredziła jaho ab nastupstvach niajaŭki, piša «Viciebskaja viasna».
U pačatku 2024 hoda małady čałaviek pryjechaŭ u Biełaruś, kab pamianiać pašpart, ale ŭ vajenkamat nie źjaviŭsia i viarnuŭsia ŭ Rasiju.
Tam na zapyt biełaruskich uładaŭ jaho zatrymali i dastavili ŭ Biełaruś, dzie i asudzili.
@nashanivanews Palityčnyja zatrymańni adbylisia ŭ teatry ŭdavy Makieja #makiej #biełaruś #našaniva #tieatr #aktiery #majakrainabiełaruś #tiuz #rieprieśsii #biełaruskajamova ♬ Crime Scene - Avery Alexander